Goa CM ban phutin kawng zawh

Damlohna avanga hun rei tak hna thawk mumal thei loa awm, Chief Minister Manohar Parrikar chu CM a nihna aṭanga bang tura phutin Thawhlehni khan mipuiten kawng an zawh a, CM atan hun puma hna thawk thei tur dah turin an phut.

Mipuite hian 'People's March for Restoration of Governance' tih hmingin kawng hi an zawh a, km 1-a thui kawng zawhin Parrikar chu chief minister a nihna aṭanga bang turin darkar 48 hun an pe. Kawngzawhnaah hian Congress party hruaitute an tel a, political part dang NCP leh Shiv Sena pawhin an thlawp tih an sawi. Kawngzawhte chuan Parrikar chu a natna avangin hna a thawk ṭha thei lo a, hei hian sorkar inrelbawl dan thlengin a nghawng a ni, an ti. Parrikar hi ramchhung bakah ram pawn lamah pawh hun eng emaw chen a inenkawl a, thla kaw chuang zet damdawi-inah enkawl a lo ni tawh a ni.