UP sorkarin Ayodhya-ah Lord Ram din a tum

Uttar Pradesh Chief Minister Yogi Adityanath-a kaihhruai BJP sorkar chuan Ayodhya khuaah bronze hmangin Lord Ram lim, meter 221- sang an siam dawn tih a sawi.

Uttar Pradesh Principal Secretary (Information) Avanish Awasthi chuan Inrinni khan he thu hi a puang a ni. Mi lim tak hi meter 151-a sang niin, a chung hliap hi meter 20 a ni dawn a, a nghahchhan hi meter 50 a ni ang. Milim innghah chhanah hian musuem siam a ni dawn bawk tih Awasthi chuan a sawi.

Central-a BJP thawhpui, Shiv Sena chuan Hindu leh Muslim-te ram inchuh, Ayodhya-a Lord Ram temple sak a nih theihna turin BJP kaihhruai sorkar chu dan siam turin a phut mek bawk. Shiv Sena hotu Uddhav Thackeray chuan Hindutva organisation-ten kum 1992-a Babri Masjid tihchhiatna hmuna Ram Mandir sak an phutna chu an thlawp tih sawiin, he mandir sak a nih theihna tura dan siam eng pawh chu an thlawp zel dawn tih a sawi.