Rafale deal: France NGO-in Dassault lakah complaint thehlut

France rama non-governmental organisation (NGO) Sherpa chuan kum 2016-a India sorkar nena Rafale supply tura inremna an siam danah avation company, Dassault lakah complaint a thehlut a, inremna an siam dan kimchang tarlan turin a ti.

Complaint hi National Financial Prosecutor's Office-ah an thehlut a, Dassault-in India rama a thawhpui tura Reliance group a thlan chhan pawh an zawtchiang bawk.

Sherpa-in official press release a siamah, Indian minister hlui leh anti-corruption lawyer in inremna siam a nih danah Prime Minister Narendra Modi-an a thuneihna dik lo takin a hmang nia Central Bureau of Investigation (CBI) hnenah complaint a thehluh behchhanin, October 26 khan complaint hi an thehlut ve niin a sawi.

CBI hnena complaint thehluhah hian PM Modi-a nena inzawmna ṭha tak nei, Anil Ambani bakah Dassault Aviation CEO Eric Trappier leh Defence Minister hlui Manohar Parrikar-te pawh inremna siamnaah hian inhnamhnawihna an nei tia tarlan a ni tiin Sherpa chuan a tarlang. Hei vang hian he inremna siam a nih dan hi chiang taka chhui tura National Public Prosecutor`s Office an beisei thu sawiin, inremna siamnaah hian eirukna, induhsakna hleihluak tak, dan kalh leh dik lo taka thiltih a awm em tih chhui chhuak turin an duh tih a sawi.