Uttarakhand cabinet-in Dehradun Airport hming thlak remti

Uttarakhand sorkar chuan Dehradun-a Jolly Grant Airport hming, prime minister hlui leh BJP hruaitu Atal Bihari Vajpayee hming chawia thlak rawtna chu a pawm.

Kar kalta Inrinni-a Chief Minister Trivendra Singh Rawat kaihhruaia cabinet meeting-ah Jolly Grant Airport hming thlak rawtna hi ngaihtuah a ni a, meeting chuan a remti a ni. State assembly winter session neih hunah airport hming thlakna tur resolution hi pass a ni dawn a, hemi hnu hian Ministry of Civil Aviation hnenah thawn a ni ang.

Cabinet chuan Uttarakhand State Agency For Public Services din a remti bawk a, hei hi service ṭha zawka kalpui a nih theih nan leh, complaint awm ṭhinte rang taka ngaihtuah an nih theihna tur a nih thu sorkar thupuangtu Madan Kaushik chuan a sawi. Cabinet meeting-ah hian rawtna hrang hrang 27 pawm a ni a, heng zingah hian December 4 aṭanga ni thum awh tur Assembly winter session neih rawtna pawh a tel.