BJP-in a hun taka Delhi MCD inthlan an buatsaiha, Hnehna an chan chuan politics kan bansan ang : Delhi CM

Delhi chief minister, Aam Aadmi Party (AAP) hruaitu Arvind Kejriwal chuan Municipal Corporation of Delhi (MCD) inthlan sawn chungchangah BJP beiin, inthlan hi a hun taka buatsaih turin a ti.

Thawhlehni khan union cabinet chuan Delhi civil body pathum - North, East leh South-te hmun khata chhunfinna tur bill a pawm a ni. He bill hi tunkarah Parliament-ah pharh nghal tum a ni.

Cabinet-in thutlukna a siam hnuah Kejriwal chuan BJP hi a bei zui a, BJP chuan MCD inthlan hi a hun taka an buatsaih theih a, inthlana hnehna an chang a nih chuan AAP chuan politics a bansan ang, tiin a sawi. "BJP chuan khawvela political party lian ber niin an inchhal a, mahse party tenau leh inthlan tenau zawk chu an hlau thung si. BJP hi MDC inthlan a hun taka buatsaih turin ka cho a ni," a ti.