Kolkata-Mumbai Jet Airways beih tumtu man

Kolkata-Mumbai inkara Jet Airways thlawhtheihna bomb darha vautu nia sawi chu Central Industrial Secuirty Force (CISF) ten an man.

CISF ten an man hi J Poddar a ni a, nimin zing dar 8.15-a Kolkata-a Netaji Subhash Chandra Bose airport aṭanga Jet Airways flight 9W0472 a thlawhchhuah hma lawka phone-a mi a biaknaah, thlawhtheihnaa chuangte thah vek leh thlawhtheihna bomb darh a tum thu a sawi a ni.

A thusawi hre phak khualzin ṭhenkaht chuan pilot leh crew member-te an hrilh nghal a, an ni hian Air Traffic Control an hriattir ve leh nghal a ni. Hemi hnu hian thlawhtheihna hi taxi bay lamah kalin a ding a, khualzinte chu chhuahtir vek niin uluk taka enfiah zui an ni. CISF te chuan J Poddar hi manin, thu an zawtfiah nghal a ni.