Gujarat jail chhungah pan masala leh mobile phone zuar

Gujarat-a Surendranagar district sub-jail chhungah tang zinga ṭhenkhatin mobile phone, pan masala leh zu ualau taka an zawrh lai video chu thehdarh a ni a, tang zinga ṭhenkhat hian jail thuneitute leh tang dangten an nghaisak ṭhin thute an sawi bawk.

Tan-in chhunga thil zawrh lai video hi tang zinga pakhat lak a ni a, pan masala chu pakhat Rs 25-a zawrh niin, mobile phone chu Rs 10,000 aṭanga Rs 25,000 mante a awm bawk a, mobile phone zawrh lai hi 10 a awm a ni. He video hi thehdarh a nih hnuah jail thuneitute chuan tan-in hi an dap nghal a, phone pali chauh an man thei a ni. Tang zinga ṭhenkhat chu jail thuneitute chuan nuamsa takin, hotel-a awm ang maia an awmtir nia sawi a ni bawk.

Jailor chuan he video hi jail thuneitute tihhmingchhiatna atana siam niin a sawi a, jail tangte leh vengtute inkara inhriatthiam lohna awm avanga he thil hi siam niin a sawi.