MP-ah bawng cabinet meeting hmasa ber nei

Madhya Pradesh sorkarin bawng cabinet (cow cabinet) a siam thar chuan nimin khan a vawi khatna atan meeting neiin, bawng hmanga state economy thuam chak a nih theih dan tur leh, state intodelh an nih theih dan turte an sawiho. 

Virtual meeting hi chief minister Shivraj Singh Chouhan chuan a chenna in aṭangin a kaihruai a ni. 

Madhya Pradesh hi India ram state zinga cow cabinet siam hmasa ber niin, he cabinet-ah hian department paruk - revenue, forest, home, farmers' welfare, panchayat and rural development, animal husbandry leh social justice an awm.