PMAY-Urban hnuaiah in nuai 56.20 sa zo tawh

Union minister for housing and urban affairs Hardeep Singh Puri chuan Pradhan Mantri Awas Yojana-Urban (PMAY-U) hnuaiah ram pumah in vaibelchhe 1.15 chuang sakna turin sanction a ni a, heng zingah hian in nuai 56.20 chu sak zawh a ni tawh tih nimina Lok Sabha inkhawmah a sawi.

Minister Puri chuan state leh UT-ten project proposal an thehlut aṭangin, in cheng vaibelchhe 1.15 chuang sakna tur sanction hi siam a ni, a ti. State leh UT-te chu detailed project report an pek anga an hun tiam chhungah in sak hna hi zo vek tura hriattir an ni, a ti. PMAY-U hnuaia hamṭhatna dawngtu tur enfiah thlan chhuah hi state leh UT sorkarte tih a nih thu a sawi bawk.