BJP president-in ram chhung tlawh kual dawn

BJP national president JP Nadda chuan kum 2024 Lok Sabha inthlanpui neih tur thlirin, an party thuam chakna turin ni 120 awh ramchhung tlawhkual, nationwide tour a nei dawn. 

BJP general secretary Arun Singh chuan Nadda hi December chawlhkar hmasa berah zin chhuak ṭanin, Uttarakhand state a tlawh hmasa ber dawn tih a sawi. 

BJP hruaitu hian inthlanpui neih hnuhnung berah an party chet ṭhat tawk lohna bialte chu a ngai pawimawh zual dawn a ni. 

Singh chuan BJP president hian state tin tlawh a tum a, an party MP leh MLA-te bakah senior leader-te, district tina an party hruaitute chu virtual meeting a neihpui ṭhin dawn a ni, a ti. Nakkum lama assembly inthlan neihna tur state pali, West Bengal, Kerala, Tamil Nadu leh Assam-ahte inthlan neihna tur atana an party inbuatsaih dante a thlirpui bawk ang.