Nepal Prime Minister a rawn zin dawn

Nepal prime minister Sher Bahadur Deuba chu April 1 hian India ramah a rawn zin dawn a, ni thum a cham ang.

Inrinni khan hemi chungchang hi tarlan niin Sher Bahadur Deuba hian ram pahnihte tana inkungkaihna ṭha zawk, a bik takin insumdawn tawnna, investment, healthcare leh inkalpawh/inbiakpawhna kawnga siam turin India ram a rawn tlawh dawn a ni, an ti.

Bahadur Deuba hian kum 2021-a Nepal Prime Minister a nih hnuah India ram a tlawh vawi khatna tur a ni a, April 2 hian prime minister Narendra Modi nen inbiakna an nei dawn a ni. Kum 2017 khan PM a nih lai vekin India hi a rawn tlawh tawh bawk. Kum 2021, November thla khan PM Modi nena Glasgow, UK-ah COP26 summit neih karlakah an lo inkawm tawh a, ram pahnihten inzawmna ṭha leh nghet zawk siamte an tiam an ni.