October 5, National Dolphin Day-ah puang

Union environment ministry chuan October 5 chu National Dolphin Day-ah a puang a, kum tinin he niah hian National Dolphin Day hman a ni ṭhin tawh dawn.

National Board for Wildlife (NBWL) standing committee chuan Zirtawpni liam ta khan hemi chungchangah hian thutlukna an siam niin environment ministry chuan an tarlang a, kumin hian a vawi khatna atan National Dolphin Day hi hman ṭan a ni ang.

Environment minister Bhupender Yadav chuan dolphin-te humhalhna peng atan awarness neih leh mi hrang hrang an tel chu thil ṭul a nih thu sawiin, dolphin humhalh tih hian Gangetic Dolphin pawh an tel tih an sawi. Environmental expert-te chuan Ganga leh a lui peng hrang hrangah tui luang tihṭhata tui quality tih ṭhat chu Gangetic Dolphin-te an let leh theihna tura thil ṭul a nih thu an sawi ve bawk.