ISRO-in PSLV rocket kapchhuak

Indian Space Research Organization (ISRO) chuan nimin zing khan Indian earth-mapping satellite HysIS leh satellite dang 30 phurtu, Polar Satellite Launch Vehicle (PSLV) rocket a kapchhuak.

Rocket hi zing dar 9.58-ah Andhra Pradesh-a Sriharikota-a Atish Dhawan Space Centre (SDSC) SHAR aṭangin kahchhuah a nih thu ISRO chuan a sawi. Satellite dang 30 an kahchhuah telte hi ram dang pariat siam a ni.

Kahchhuah anih aṭanga minute 17 chhungin PSLV rocket hian HysIS satellite chu hlawhtling takin sun-synchronous polar orbit-ah a han dah a ni. HysIS hi ISRO siam niin kum nga dam thei tura duan a ni. HysIS hi khawvel leilung zirnna tura tih a ni.

Satellite 30 kahchhuah telte hi Micro pakhat leh Nano satellite 29 an ni a, satellite 23 hi US ami niin, a dangte chu Australia, Canada, Columbia, Finland, Malaysia, Netherlands leh Spain amite an ni.

ISRO hian November 14 khan communication satellite GSAT-29 chu hlawhtling takin a lo kap chhuah tawh bawk.