CBI Joint Director hluiin political party din dawn

Central Bureau of Investigation (CBI) Joint Director hlui, IPS officer VV Lakshminarayana chuan political party thar a din dawn tih a sawi.

Lakshminarayana chuan thu-chhuah siamin, November 26-a volunteer's meeting an neiha an rawtna angin political party hi din an tum ta tih a sawi. Party hming, a kalphung tur leh tlangzarh hun tur chu la puanzar thuai a ni dawn tih a sawi bawk.

Thawhṭanni khan Lakshmi-narayana hian amah zuitute chu meeting a neihpui a, he hunah hian Lok Satta, Telangana Praja Party, leh Aam Aadmi Party hruaitute pawh a sawm tel bawk. Meeting-a telte hian IPS officer hluiin party thar din a tum hi an thlawp thu an sawi a ni.