Kum 76 hnua March thlaa Jammu lum ber ni a thleng

Pathiannia Jammu khaw lum zawng chu 37.3 degrees Celsius a ni a, hei hi kum 76 hnua March thlaa Jammu lum ber ṭum a ni.

Director Meteorological Department Sonum Lotus chuan hemi chungchang hi sawiin March 31, 1945 khan Jammu khaw lum zawng chu 37.2 degrees Celsius niin hei hi kum tam tak chhung chu temperature san ber ṭum a ni a, mahse Pathianni khan a sang ta zawk tih a sawi. Ni li liam ta chhung khan khua a ṭha hle tih sawi bawkin, ni eng emaw zat chhung chu khua a la lum belh zel a rinawm a ni, a ti.

Meteorological Department chuan Jammu temperature chu dan tlangpuia kumdang tun ang hun aiin 8.4 degree-in a sang zawk tih an tarlang bawk a, mahse zan lamah temperature chu a danglam loa, 16.9 degrees Celsius bawr vel a ni tlangpui tih an sawi bawk.

Srinagar lam pawh kum dang aiin a lum zawk a, 25 degrees Celsius niin dan pangaia tun ang huna temperature aiin 7.4 velin a sang zawk niin Sonum Lotus chuan a sawi. Srinagar-ah hi chuan zan lamah pawh kum dang aiin khua a lum hret niin a sawi thung.