Punjab CM-in kawtkaia ration semna tur scheme puang

Punjab chief minister Bhagwant Mann chuan nimin khan kawtkaia ration semna tur scheme a puang.

CM Mann chuan mi rethei zawkte chu ration la turin an intlar a ngai tawh dawn lo a, an kawtkaiah ngei ration hi an dawng thei dawn a ni, a ti. Hemi rual hian he scheme hi dawng thei tur bik erawh an awm dawn tih a sawi nghal a, scheme kalpui dan tur kimchang chu tihchhuah thuai a nih tur thu a sawi.

Mann chuan, "AAP sorkar chuan kawtkaia ngei ration semna tur scheme hi a kalpui dawn a ni. He scheme hnuaiah ration quality ṭha chu a dawng thei turte hnena, an kawtah ngei pek an ni ang. Ration la tura rei tak an intlar emaw, an hnathawh lai kalsan emaw a ngai tawh dawn lo a ni," a ti. Officer-te chuan he scheme dawng thei tur, beneficiary-te chu phone-a biain, an remchan dang angin an inah ration hi pek ṭin a ni ang, tiin a sawi.