Israel PM rawn zin hun tur sawn

Israel prime minister Naftali Bennett chu Covid-19 hri a kai avangin India rama a rawn zin hun tur chu sawn hlat a ni tih Delhi-a Israel embassy thupuangtu chuan a sawi.

Naftali Bennett hian Thawhṭanni khan Covid-19 a kai tih hmuh chhuah a ni.

Ministry of External Affairs (MEA) chuan Israel PM hian India leh Israel-in palai an intirh tawnna kum 30 tlin champha denchhenin April 3-5 ah India ram rawn tlawh a tum thu a lo sawi tawh a ni. Israel PM rawn zin tur hian kawng hrang hrangah, a bikin - agriculture, water, trade, education leh science and technology lama ram pahnihte inzawmna nghet leh chak zawk a siam ngei an beisei thu pawh an tarlang.

Israel PM media adviser chuan PM Bennett zin tur hi sawn a ni a, a kal theih hun tur chu lo ruahman ṭhat leh a ni dawn tih a sawi. Israel ramah hian Omicron variant vangin Covid-19 hri kai an pung chho leh a, hetih lai hian PM Bennett leh an ram mipuite a zahve dawn chuan Covid-19 vaccine dose thumna an la tawh a ni.