April 14-ah Prime Ministers' Museum hawng dawn

Prime minister Narendra Modi chuan April 14 hian India ram prime minister ni tawh zawng zawngte puala museum sak chu April 14-ah hawn a ni dawn tih a sawi.

New Delhi-a Ambedkar International Centre-a BJP Parliamentary meeting a hmanpuinaah PM Modi chuan he thu hi a sawi a ni.

Prime Ministers' Musuem, Pradhan Mantri Sangrahalaya hi Teen Murti Bhavan-ah siam a ni a, he hmunah hian Jawaharlal Nehru telloin India ram prime minister lo ni tawh dang zawng zawngte hriatrengna thilte leh an hnathawhte pholan a ni ang. Jawarharlal Nehru pual hian Delhi-ah museum hran, Nehru Memorial Museum siam a ni tawh avangin Prime Ministers' Museum-ah hian pho lan a ni tel ve dawn lo a ni.

He museum hi sakna tur, cheng vaibelchhe 270 senna tur project hi kum 2018 khan pawm a ni tawh a, kum 2020 October thlaa zawhfel tura tih a ni. Mahse hri leng vanga lockdown-te puan a nih avangin hun eng emaw chen tihkhawtlai a ni. He hmunah hian India ram Prime Minister lo ni tawh mi 14-te thlalak, thusawi, video clip, interview leh an thuziakte pholan a ni ang.