PM Modi leh Saudi Crown Prince inkawm

G20 summit hmang tura Argentina rama zin, Prime Minister Narendra Modi chuan nimin khan summit kar lakah Saudi Arabia Crown Prince Mohammed bin Salman a kawm a, economic, cultural leh energy lama ram pahnihten thawhdunna zau zawk an neih dan turte an sawidun.

Ram pahnih hruaitute hian technology, renewable energy leh food security lama investment lian zawk siam dan chungchang pawh an sawidun bawk.

PM Modi chuan a twitter-ah Saudi Crown Prince nena meeting an neih chungchang hi tarlangin, inkawmna hun ṭha tak leh hlawk tak an neih thu a sawi a, India-Saudi Arabia inlaichinna ṭha zawk neih dan tur hrang hrangte an sawidun thu a tarlang a ni. Prime Minister Office pawhin Saudi Arabia chu India ram ṭhianṭha leh thawhpui ṭha tak a nih reng thu a sawi.

Modi hian UN Secretary General Antonio Guterres pawh hmuin, climate change chungchang an sawidun bawk a ni.

Ni hnih awh tur G20 summit neih kar lakah hian PM Modi, US President Donald Trump leh Japan Prime Minister Shinzo Abe te chuan trilaterial meeting an nei dawn bawk.