R-Day lawmnaah South Africa President khuallian a ni dawn

South Africa President Cyril Ramaphosa chuan nakkum January 26-a Delhi-a Republic Day lawmnaah khuallian a ni dawn.

Prime Minister Narerdra Modi chuan Buenos Aires, Argentina-a G20 summit neih karlaka an inkawmnaah South Africa President Ramaphosa hi Republic Day lawmnaa khuallian turin a sawm a, Ramaphosa hian he sawmna hi Inrinni khan a pawm a ni. Ministry of External Affairs (MEA) thupuangtu chuan R-Day khuallian atana sawmna SAfrica President-in a pawm thu twitter-ah a tarlang a ni.

Nakkum Republic Day lawmnaa khuallian tur hian US President Donald Trump chu sawm a ni lo tawh a, White House thupuangtu chuan President Trump chuan he sawmna hi lawmawm ti hle mah se, nakkum January thla hian ramchhunga tihtur pawimawh dang a awm avangin a tel thei dawn lo tih a sawi a ni.