India-in 2022-ah G20 summit thleng dawn

Prime Minister Narendra Modi chuan kum 2022-ah India in G20 summit a thlen tur thu a sawi a, India independence champha vawi 75-na denchhenin he summit hi a thleng dawn niin a sawi.

PM Modi chuan G20 summit hi kum 2021-ah India leh 2022-ah Italy-ah neih tura tih a ni a, mahse kum 2022 hi India-in zalenna a neih champha vawi 75-na a nih avangin hemi lawmna denchhen hian summit thlen hun in inthlakthleng turin Italy ngen a nih thu a sawi. India ngenna hi Italy chuan lo pawmsakin, member ram dangte pawhin an pawm tih a sawi. An ngenna pawmsak a nih chu lawmawm a tih thu sawiin, Modi chuan kum 2022-ah ram hrang hrang hruaitute chu India rama zin tura a sawm thu a sawi nghal bawk.

Italy Prime Minister Giuseppe Conte pawhin kum 2022 chu India ram tana kum pawimawh tak a nih vangin summit thlen kum thlak thlen an rawtna chu an pawmsak tih a sawi.

Asia ram zingah South Korea hian kum 2010 khan G20 hi a lo thleng tawh a, kum 2015-ah Turkey-in thlenin kum 2016-ah China-in a thleng tawh bawk. Nakkuma summit neih tur hi Japan-in a thleng dawn a, a kum lehah Saudi Arabia-ah nghah a ni ang. Kuminah hian Argentina-ah neih niin, South America continetnt-a neih a nihna hmasa ber a ni.