Vawiinah Russia Foreign Minister a rawn zin dawn

Russia foreign minister Sergei Lavrov chu ni hnih cham turin vawiinah a rawn zin dawn a, Russia-in Ukraine a run hnua Russia high official rawn zin hmasa ber tur a ni.

Sorkar laipui chuan thuchhuah siamin, Russian Federation foreign minister Sergey Lavrov rawn zin tur thu hi a sawi a, mahse a cham chhunga ram hruaitu a hmuh turte erawh a sawilang tel lo.

India leh Russia hian kum tam tak inlaichinna ṭha tak an lo nei tawh a, India chuan a ṭhian nghet tak leh rintlak tak tiin Russia hi a lo sawi ṭhin a ni. Russia-in Ukraine a run avanga khawthlang ram hrang hrangten an nawr chungin, India leh China chuan Russia demna thu hi an la tichhuak lo. Kar liam ta khan China foreign minister Wang Yi chuan India a rawn tlawh tawh bawk.