Surface-to-Air missile 2 enchhin leh

Defence Research and Development Organisation (DRDO) chuan nimin khan surface-to-air missile pahnih chu Odisha tuipui kam aṭangin hlawhtling taka enchhin a ni leh tih a sawi.

Medium Range Surface to Air Missiles (MRSAMs) hi Chandipur-a Integrated Test Range launch pad-III aṭangin kahchhuah an ni.

Pathianni khan Army version MSRAMs pahnih chu Integrated Test Range aṭangin kahchhuah an lo ni tawh a, kum 2020 December thla khan a vawi khatna atan enchhin a lo ni tawh bawk.

MRSAMs hi Indian Army hman tura DRDO leh Israel Aerospace Industries (IAI) ten an siam a ni. Pune-a DRDO facility pahnih chu he system siamna atan hian hman a ni.