RS member term tawp tur 72 te thlah

Rajya Sabha member ni lai zinga 72, March-July chhunga chawl turte chu nimin khan an thlah. An zinga 65 hi state 19 aṭanga elected member niin, pasarih chu nominated member an ni thung.

March-July thla chhunga member term tawp tur zingah hian A K Antony, Ambika Soni, P Chidambaram, Anand Sharma, Jairam Ramesh, Suresh Prabhu, Praful Patel, Subramanian Swamy, leh M C Mary Kom-te pawh an tel.

Prime minister Narendra Modi chuan MP kalchhuak turte chu an thiamna leh House-a tawnhriat lo neih tawhte ram mipuite tana ṭangkai taka hmang chhunzawm zel tur leh, ṭhangtharte cho chhuaktu ni turin a chah.