J&K Governor-in dan a thlak danglam loh thu a sawi

Jammu and Kashmir Governor Satya Pal Malik chuan an state chhunga permament resident certificate emaw PRC dan emaw chu a thlak danglam loh thu a sawi.

National Conference hruaitu leh J&K CM hlui Omar Abdullah chuan he dan thlak danglam tumna reng reng chu an party chuan na taka an dodal tur thu a lo sawi tawh a ni. Hei hi chhangin, Governor chuan hei hi chhangin, a kaihhruaina hnuaiah sorkar chuan permanent resident certificate chungchanga dan chu thlak tumna tumna a awm lo tih a sawi a, hetiang thil tih tum pawh an awm lo a ni, a ti.

Permanent Residency Status hi Constitution-a Article 35 A nena inzawmna nei niin, he dan hnuaiah hian Jammu and Kashmir chu special status pek a ni. J&K-a cheng zinga permanent resident status pek theih chin leh, hamṭhatna dang awmte dawn theih chin sawifiahna a ni.

Pathianni khan CM hlui Abdullah hian governor hi lehkha thawnin, PRC pek theih chin thlak tumna a awmna media report-a a awm thu sawiin, hei hi a tak a nih chuan stakeholder zawng zawngte biakrawn an nih hmaa siam danglam tumna a awm anih chuan an dodal tur thu hi a sawi a ni.