MP, MLA-te thubuai tihkhawtlai 4,000 chuang la awm

Supreme Court hnenah nimin khan Parliament leh legislative assembly member hlui leh nilaite thubuai tihkhawtlai 4,122 zet a awm tih hrilh a ni. Heng zinga thubuai ṭhenkhat chu kum 30 chuang zeta reite an ni tawh a ni.

Chief Justice of Indian Ranjan Gogoi kaihhruai bench chuan MLA hlui leh ṭanglaite kaihhnawih thubuai te hi a ngaihtuah dawn a ni.

Supreme Court chuan MLA hlui leh ṭanglaite thubuai tihkhawtlai mek zat hi high court hrang hrang hnenah a zawt a ni. High Court-ten report thehluh aṭang hian heng thubuai ngaihtuahtu tur bik, special court din zat tur pawh a ngaihtuah dawn a ni.

Senior advocate Vijay Hansari chuan nimin khan state leh high court hrang hrang aṭanga data a hmuh hi Supreme Court-ah a thehlut a ni.

Nimin vek khan CJI Gogoi kaihhruai bench chuan Bihar leh Kerala chu MP leh MLA te thubuai ngaihtuahna tur hian state chhunga district tinah special court siam turin a hriattir a, Patna leh Kerala high court-te chu December 14-a report thehluh turin a ti bawk.