PM Modi leh Nepal PM Deuba-te'n cross-border train service hawng

Prime minister Narendra Modi leh Nepal prime minister Sher Bahadur Deuba-te chuan Inrinni khan cross-border passenger train service, Nepal tana RuPay payment system hawngin, ram pahnihte thawhdunna tur inremna eng emaw zat an ziak. Delhi-a Hyderabad House-ah meeting an nei bawk.

Nepal PM Deuba hi PM Modi sawmna angin, ni thum cham turin Zirtawpni khan India ram a rawn thleng a ni. Hyderabad House-a inbiakna an neih hmain,Deuba hi Raj Ghat-a kalin, Mahatma Gandhi zahna pangpar a dah a ni.

Nikum July thlaa a ṭum ngana atan Nepal Prime Minister-a lakluh a nih hnuah Deba hian India a rawn tlawhna hmasa ber a ni. A hmaa PM term li a chelh chhung hian India ram a rawn tlawh ziah bawk.

Nepal PM hian nimin khan Varanasi a tlawh a, Uttar Pradesh chief minister Yogi Adityanath chuan Lal Bahadur Shashtri International airport-ah a lo hmuak. Kaal Bhairav temple-ah ṭawngṭaina hun a hmang a, temple hrang hrang a tlawh bawk ang.