Delhi boruak bal tifai turin anti-smog gun hmang dawn

Delhi environment minister Gopal Rai chuan nimin khan Delhi-a boruak bal tifai turin Public Works Department (PWD) chuan anti-smog gun 23 lai hmun hrang hranga dah turin a ruahman tih a sawi.

Anti-smog gun hi insakna hmun­ah te, khawlaia lirthei hmanga inkalpawhna hrang hrang awmna hmunah te dah tum a ni. Hei bakah hian PWD-te chuan kawng sir leh insakna bula thingkungte chu tanker 150 lai hmangin phuhfai hna an thawk mek bawk. Hei hi boruak bal tih ziaawm a nih theih nana Delhi sorkar hmalakna a ni.

Environment minister Gopal Rai chuan PWD-in boruak tifai tura an hma lak dan hrang hrangte hi a hnenah report an pek thu sawiin, a ṭul a nih chuan heng hmanruate hi dah belh zel tum a ni, a ti.