RJD-in Mahagathbandhan zawm turin CM Nitish Kumar sawm

Bihar-a eptu pawl, Rashtriya Janata Dal (RJD) chuan an party kaihhruai, ṭangrual pawl Mahagathbandhan-a tel turin Bihar chief miniter leh Janata Dal-United hotu Nitish Kumar chu an sawm.

Mahagathbandhan-ah hian RJD bakah Congress leh Left party-te an tel a ni. 

RJD senior leader Amarnath Gami chuan sawmna hi siamin, Nitish Kumar chuan Mahagath­bandhan zawm a ṭhat thu leh, centre-a BJP dodala third front a kaihhruai a ṭul thu a sawi. 

Bihar-a NDA sorkar chuan a daih rei loh tur thu Gami chuan sawiin, Nitish Kumar kaihhruai sorkar chu a tluchhe thuai dawn a ni, a ti. 

Assembly inthlan neih zawh takah NDA hian assembly seat 243 awmah seat 126 lain sorkar thar a siam a, Nitish Kumar chu CM atan dah leh a ni. Mahagathbandhan hian seat 110 an la thung a, RJD chu party mala seat la hnem ber niin seat 75 a la a ni.