Rajya Sabha member thar 6-ten rinawmna thu tiam

5th April, 2022

Rajya Sabha member atana thlan thar, mi parukte chu nimin khan House-ah rinawmna thu tiamtir an ni.

MP lakluh tharte hi - Pabitra Margherita (BJP, Assam); Rwngwra Narzary (UPPL, Assam); Jebi Mather Hisham (Congress, Kerala); Sandosh Kumar (CPI, Kerala); A A Rahim (CPI-M, Kerala); leh S Phangnon Konyak (BJP, Nagaland)-te an ni.

Rajya Sabha-ah hian BJP chuan member 100 a nei tling a, kum 1988 hnuah party member 100 nei thei hmasa ber niin, member 101 a nei mek. Congress party chuan hmarchhak bial aṭangin a ṭum khatna atan Rajya Sabha member a nei dawn lo thung. Tun hnaia Rajya Sabha member thlanna neihah Congress party chuan a seat neih sa, seat nga a hloh a, hetih lai hian Aam Aadmi Party (AAP) chuan seat neih belhin, Parliament upper house-ah hian member pariat a nei tling tawh.