UP MP-in BJP chhuahsan

Uttar Pradesh-a Bharatiya Janata Party (BJP) MP Savitri Bai Phule chuan a awmna party, BJP chu mipuite ṭhendarh tuma puhin party member a nihna aṭanga a ban thu a sawi.

Savitri Bai Phule-i chuan, "Ram danpui, Constitution tihtawp tumna leh Dalit leh backward class dangte reservation tihtawp tuma ruahmanna a awm avangin BJP aṭang hian ka bang a ni", a ti. December 23-a Lucknow-a Ramabai Ambedkar Ground-a rally neih hunah thu thinṭhawng tak sawichhuah a tum thu a sawi bawk.

Dalit hnam, Phule-i hian inhnialna chawk chhuak thei tak tak thu a lo sawi fo tawh a, Lord Hanumam chu Dalit hnam niin, Lord Ram tana theihtawp a chhuah laiin mei (tail) neihtir a nih bakah a hmai tihdumsak a nih chu a hriatthiam loh thute a sawi a ni. Zawngte anga siam loin mihring pangngai ang zawka siam tur a ni, a ti. Hei bakah hian Hindu leh Muslim-te ram inchuh, Ayodhya-ah chuan Lord Buddha lim dah a lo rawt tawh bawk.