Boruak bawlhhlawh vangin kum 2017-ah mi maktaduai 1.24 thi

Lancet Planetary Health in a zirchianna report, Ningani-a a tihchhuahah kum 2017 khan India ramah boruak bawlhhlawh vangin mi maktaduai 1.24 an thi niin a sawi a, hei hi hemi kuma India rama mitthi record zat aṭanga 12.5% a tling a ni.

Report tihchhuahah hian kum 2017-a boruak bawlhhlawh kaihhnawih vanga thi zinga 50% chuang chu kum 70 hnuai lam an ni tih tarlan a ni. Thi zinga 670,000 te chu air pollution vang niin, mi 480,000 chu inchhunga eirawngbawlna atana thing leh thildang an hman khu kaihhnawih vanga thi an ni.

Delhi khawpui chu air pollution nasatna ber niin, chuap natna bakah natna hlauhawm dangte pawh thlen thei a ni tih tarlan a ni bawk.