Sorkar scheme-te mipuite hriattir ṭha turin BJP MP-te a chah

Prime minister Narendra Modi chuan an party MP-te chu sorkar laipuiin mipuite puala scheme a siam hrang hrangte mipuite hrilh hre turin a chah.

Nimina BJP Parliamentary Party meeting-a thu a sawiah, PM chuan BJP MP-te chuan sorkar scheme hrang hrangte chu a dawngtu turten an hriatchian theihna turin mipuite an zirtir ṭhat a ngai tih a sawi. 

MP leh minister-te chu local level-ah central scheme 14 chungchang mipuite hriattir ṭha tak pe tura tih niin, party worker-te chu April 8, 9 leh 10-ah Pradhan Manti Awad Yojna, Har Ghar Nal, leh PM Kisan Nidhi scheme chungchangah awareness programme-te siam tura tih an ni bawk.