Congress tuaithar hi kan tan a pawimawh a ni ringawt lo ; Kan ram democracy tana thil ṭul a ni : Sonia Gandhi

Congress president Sonia Gandhi chuan Congress party dinhmun tlahniam tuaithar leh chu an party tana pawimawh a ni ringawt lo a, India ram democracy tana thil ṭul a ni tiin, an party hmabak chu ṭum dang zawng aiin a hautak chho dawn tih nimin khan a sawi.

Sonia Gandhi hian Congress Parliamentary Party (CPP) meeting a kaihruai a, he hunah hian ram chhung politics dinhmun te, Parliament in hniha an party dinhmunte an sawiho a ni. He meeting-ah hian Lok Sabha leh Rajya Sabha-a Congress MP te an tel a, prime minister hlui Manmohan Singh leh Rahul Gandhi-te pawh an tel. Parliament-a central hall-ah meeting hi neih a ni.

Tun hnaia state panga assembly inthlan neih zawh hnua CPP meeting neih hmasa ber a ni. Heng state panga-ah hian Congress party hi an che ṭha lo hle. He meeting-ah hian petrol, diesel leh LPG gas man tihsan leh, nitin khawsakna atana mamawh dang man sang zel chungchanga sorkar nawr dan turte pawh an sawiho bawk.

Sonia Gandhi chuan, Congress party tan hun hma zawng an hmabak a ko dawn tih sawiin, democracy leh khawthlang tan Congress party tuaithar leh chu thiltih ngei ngai a ni, a ti. BJP-in inṭhendarhna policy a kalpui chu na taka sawiselin, "Congress chuan BJP-in kum za tel kan society-a inpumkhatna leh inlungrualna ṭha tak lo awm tawh a tihchhiat chu kan phal ngai dawn lo," tiin rorellai party chuan eptute chu kawng hrang hrangin a bei mek a, mahse hetianga vauna leh tactic hrang hrang an hman chuan a tihlauin, an ngawih phah dawn lo tih Gandhi chuan a sawi bawk a ni.