Rakesh Gangwal-a'n IIT Kanpur tan Rs vbc 100 a thawh

Indigo co-founder Rakesh Gangwal chuan Indian Institute of Technology, Kanpur (IIT-Kanpur) tan cheng vaibelchhe 100 a thawh.

Gangwal-a sum thawh hi IIT Kanpur-a School of Medical Sciences and Technology an siam thar tan hman a ni ang.

IIT-K director Abhay Kanrandikar chuan an institute aṭanga zirchhuak, Gangwal-a'n School of Medical Sciences & Technology dinna atana sum tam tham tak a pek thu hi sawiin, Gangwal hi he school din turah hian advisory board-ah a tel ve nghal dawn a ni.

Nikum khan IIT-Kanpur hian School of Medical Sciences & Technology an din tur thu hi an lo puang tawh a, hetah hian medical school bakah super-specialty teaching hospital pawh a awm tel dawn a, school leh medical college hi square feet maktaduai khata zauah sak a ni ang. Project thawh khatna hi kum 3-5 chhunga zawh hman an tum.