September thla tawpah university Exam buatsaih tum
Union ministry of human resource development chuan Thawhṭanni khan September thla tawp lamah final year-te tan university exam neih tum a nih thu a tarlang.
Final year zirlaite tana exam buatsaih tum a nih rual hian union ministry of health and family welfare-in a pawm, ministry of home affairs-in standard operating procedure (SOP) a siam zulzuiin exam hi buatsaih tum a ni. Exam hi buatsaih tum ni mah se Covid-19 hri len dan chungchang thlir zel chunga hmalakna kalpui mek a ni a, exam hi cancel leh theih a ni bawk.
April thla khan University Grants Commission (UGC) chuan examination leh Academic Calender buatsaih dan tur chungchangah mi thiam, expert committee a din. He committee hian UGC-a report a thehluh hnuah April 29 khan guideline tihchhuah a ni. Mahse Covid-19 hri leng vangin tih tur hmachhawpte chu ṭhulh lailawk a ni.
Covid-19 hri leng karah expert committee chuan UGC hnenah guideline an siam tawh chu ennawn turin a ngen a, university leh college zirlaite exam hun tur leh academic session an ṭan hun turah rawtna a thlen bawk. He rawtna hi June 6 khan UGC chuan ngaihtuah nghalin, revise guideline hi a tichhuak zui ta a ni.
UGC-in revise guideline-a a tarlan ṭhekhat chu -
* University/ institution-te chuan terminal sememster/final year examination chu September, 2020 thla tawpah offline/online mode in an buatsaih ang.
* Eng emaw avanga terminal semester/ final exam thei lote chu a hnuah hun remchang siamsakin, special exam buatsaih sak an ni ang.
* Exam neih tur chungchanga kaihhruaina chu 29.04.2020-a lo tihchhuah tawh kha rin chhunzawm a ni ang.