Bihar-ah feet 60-a sei iron bridge an ru

Bihar-a Amiyawar khuaa feet 60-a sei, iron bridge chu rukruten ṭhiatin an ru a, thir hi an hralh niin official-te chuan an sawi.

Rukrute hi irrigation department hnuaia sorkar official angin an insawi a, cutter leh khawl dang hmangin he thir lei, state khawpui Patna aṭanga km 150 vela hlaa awm hi an ṭhiat a ni. Lei ṭhiatna atan hian ni hnih chhung hun an hmang nia sawi a ni.

Police officer chuan Amiyawar khuaa chengte hian sorkar official anga an insawi hi an lo awih a, he lei hi kum 30 vel zeta upa a niin hman a ni tawh lo a, hei vang hian sorkar lamin ṭhiah an tum nia an ngaih thu a sawi. A hma pawhin irrigation department-ah ṭhiat tura ngenna pawh an lo thehlut tawh tih an sawi.

Lei hi ruk a ni tih hriatchhuah a nih hnuah police-te chuan chhui nghalin, an zinga ṭhenkhat chu an hre tawh a, midang pawh chhui mek an ni tih an tarlang.