Covid-19 booster dose a thlawna pe turin PM ngen

Communist Party of India (CPI) MP Binoy Viswam chuan prime minister Narendra Modi hnenah Covid-19 booster dose chu mipui nawlpui tan a thlawna pe chhuak turin a ngen.

Sorkar laipui hian healthcare leh frontline worker bakah kum 60 chunglam, natna benvawn neite tan booster dose, precaution dose tia sawi chu a thlawnin a pe chhuak a ni. Hetih lai hian Pathianni aṭang khan kum 18 chunglam, Covid dose hnihna la tawhte tan a duh apiang tan private vaccination centre-ah booster dose hi lak phalsak an ni a, mahse a man an chawi a ngai thung.

Co-WIN aṭanga a landanin, Pathianni khan private centre 850-ah booster dose hi pekchhuah a ni a, mi 9,496-in vaccine hi an la a ni. Kum 18 chunglam, vaccine dose hnihna an lak aṭanga thla kua tling tawhten booster dose hi a la thei a ni.