Parliament Winter Session ṭan

Parliament Winter Session chu nimin khan neih ṭan a ni a, January 8 thleng neih a ni ang.

Nimina Lok Sabha leh Rajya Sabha inkhawmah member thite sunna hun hman a ni. Lok Sabha Speaker Sumitra Mahajan leh Rajya Sabha Chairman M.Venkaiah Naidu-te chuan sunna thu an chhiar chhuak a ni. Member thi sunte hi–Atal Bihari Vajpayee, Somnath Chatterjee, Ananth Kumar, Bhola Singh, M.I. Shanavas, Mohammad Asrarul Haque, R.K. Dorendra Singh, Karma Topden, Kuldip Nayyar, Nandamuri Harikrishna, Darshan Singh Yadav, Ratnakar Pandey, Satya Prakash Malviya, Ram Deo Bhandary, Malti Sharma, Narayan Datt Tiwari, P.K. Maheshwari leh Baishnab Parida-te an ni.

Naidu chuan thlipui Titli leh Gaja tuartute tuarpuina thu a sawi bawk. Sunna hun hman zawh hian House pahnih inkhawm hi tihtawp a ni.