J&K-ah darkar 24 chhungin firfiak pariat that

Security force-te chuan Jammu & Kashmir-a Shopian leh Pampore district-ah darkar 24 chhungin firfiak pariat an that.

Heng firfiakte hi Pakistan firfiak pawl, Jaish-e-Muhammad (JeM) nia sawi a ni. Shopian district-ah hian firfiak panga thah an ni a, Pampore district-ah pathum thah an ni bawk. Security force zingah hian tualchhung police, Rashtriya Rifles leh central reserve police an tel a ni.

Pampore district-ah hian Ningani zing khan firfiak pakhat thah a ni a, nimin zing khan firfiak pahnih chu mosque-ah an lut nia sawi a ni a, firfiak pahnihte hi silai telloa tear gas hmanga thah an nih thu police lam chuan an tarlang. Shopian leh Pampore district-ah hian firfiak an lut ru niin police lamah hian thlen a ni a, hemi bawhzui hian Ningani aṭanga nimin thleng khan security force-te chuan beihpui an thlak zui a ni.