HELINA anti-tank missile hlawhtling takin enchhin

HELINA anti-tank missile chu nimin khan Ladakh-ah ramchhunga siam helicopter aṭangin hlawhtling takin kah chhuah a ni.

Flight test hi Defence Research and Development Organisation (DRDO), Indian Army leh Indian Air Force (IAF) joint team-ten an nei a ni.

DRDO chuan Dhruv Advanced Light Helicopter aṭangin Helina anti-tank guided missile chu hlawhtling taka kahchhuah a nih thu sawiin, Thawhṭanni pawh khan Ladakh-ah vek hian enchhin a lo ni tawh a, hemi ṭum pawh hian a target fuhin enchhinna hlawhtling tak neih a lo ni tawh tih a sawi.

Helina hi khawvela anti-tank weapon systems ṭha ber zinga mi niin, lock-on-before-launch mode hi infrared imaging seeker (IIR) hmanga enkawl a ni. Km sarih china hlaa target a fuh thei a ni.