US secretary of state-in India sipai thite tawrhpui

United States Secretary of State Mike Pompeo chuan  India leh China sipai intihbuaina avanga India sipai thi 20 te chhungte a tawrhpui thu a sawi.

Mike chuan kha buainaa thi chhungte a tawrhpui tak zet thu a sawi a, ram leh hnam tana an nun chante chu hnam pasalṭha an nih thu a sawi bawk. US State Department thupuangtu chuan India leh China inkarah inremna awm thei se a duh thu a sawi a, prime minister Narendra Modi leh US president Donald Trump chu Thawhṭannia buaina thlen hma June 2 khan India leh China ramri chungchangah inbiakna an lo nei tawh tih a sawi bawk.

Kum 1967 khan Sikkim-a Nathu La-ah India leh China sipaite hi an lo intibuai tawh a, kha buaina thlengah khan India sipai mi 80 vel an thi a, China sipai mi 300 chuang an thi bawk a ni. Hemi hnuah Thawhṭanni zana ramria sipaite inbeihna kha India leh China inbeihna thlen leh nasat ber ṭum a ni.