Good Friday pualin ram hruaitute'n thuchhuah siam

Ram chhung hmun hrang hrangah Kristian-te chuan nimin khan Good Friday chu urhsun takin an hmang a, kohhran inkhawm leh ṭawngṭaina hun te an hmang an ni. Good Friday pualin ram hruaitu hrang hrangte pawhin thuchhuah an siam.

Prime minister Narendra Modi chuan Good Friday-ah Isua Krista huaisena leh inpekna chu hriatreng a nih thu sawiin, midangte tana a inpekna leh inunauna a siam chu mi tam tak tana an kawng hruaitu a ni, tiin a twitter-ah a tarlang.

Congres hruaitu Rahul Gandhi pawhin Good Friday niah hian hmangaihna, khawngaihna leh ngaihdamnate chu mitinte rilruah lo thar leh se a duh thu a sawi bawk. Congress hruaitu dang, Sachin Pilot chuan Isua Krista inpekna chu mihringte kawng dika hruaitu a ni tihin, he hun hmangtute duhsakna a hlan bawk.

Politician hrang hrangte pawhin Good Friday puala thuchhuah leh duhsakna an tichhuak a ni.