Chennai IT firm-in thawktu 100-te hnenah car a pe

Chennai-a IT firm, Ideas2IT chuan an firm-in hlawhtlinna ṭha tak a neih avangin a hnathawkte hnenah lawmthu sawina thilpek atan car 100 a pe a, a thilpek hi cheng vaibelchhe 15 hu a ni.

High-end product engineering firm, Ideas2IT hi kum 2009-a engineer parukin an din a ni a, tunah hian India ramah chauh ni lo, USA leh Mexico-ah pawh an inzarpharh tawh a ni. Facebook, Bloomberg, Microsoft, Oracle, Mortoral, Roche, Metronic leh company dangah software service an pe ṭhin.

Firm CEO Gayathri Vivekanandan chuan Indian IT company zingah an hnathawk zinga thawk rei tawh, mi 100-te hnenah an inpekna leh taimakna avanga lawmthu sawina atana car 100 pe thei hmasa ber an ni chu lawmawm a tih thu sawiin, hnathawktute hi an company-in hma a sawnna leh hlawhtlinna a neihnaa mi pawimawh ber ber an nih thu a sawi. Lawmthu sawina atana car an pek hi Maruti Suzuki car niin, S-Cross, Vitara Brezza leh Baleno-te an ni.

Tun hnaiah Chennai-a software firm Kissflow pawhin an firm-a thawktu senior panga hnenah lawmthu sawina atan BMW car an lo pe tawh bawk.