Kum 10 chhungin India-in doctor thar tam tak nei dawn: PM

Prime minister Narendra Modi chuan sorkar laipuiin ram chhung district tina medical college din tura ruahmanna a siam hnuaiah, kum 10 chhungin India ram chuan doctor thar tam tak a nei thei dawn a ni, a ti.

Nimin khan PM hian video conference hmangin Gujarat-a Bhuj district-a KK Patel Super Speciality Hospital a hawng a, thu a sawiah sorkar chuan mitin damdawi in lama inenkawlna awlsam zawka an dawn theihna turin sorkar chuan hma a la mek tih a sawi.

PM Modi chuan kum 20 liamtaah khan Gujarat-ah medical hospital pakua chauh a awma, tunah chuan AIIMS pakhat leh medical college 30 chuang a awm tawh thu a sawi. A kaihhruai sorkar laipui chuan medical college tam zawk din belh zel a tum thu leh, ram chhunga district tina medical college din chu an tum a nih thu a sawi a ni.

Khum 200 awmna KK Patel Super Speciality Hospital hi Shree Kutchi Leva Patel Samaj sak a ni a, Kutch biala super speciality hospital hmasa ber a ni tih Prime Minister Office chuan a tarlang.