Punjab sorkarin in tinte power unit 300 a thlawnin pe dawn

Punjab-a Aam Aadmi Party (AAP) sorkar chuan July 1 aṭangin state chhunga in tinte chu power unit 300 chin a thlawnin a hmantir dawn.

Chief minister Bhagwant Mann chuan video hmanga thuchhuah a siamah, chhung tinten power unit 300 chin a thlawna an hman theih bakah, loneitute hnena a thlawna electricity pek chu chhunzawm zel a ni dawn a, hei bakah hian commercial leh industrial consumer-te tan pawh electric hman man hi tihsan a ni dawn lo tih a sawi.

CM Mann chuan, "July 1 aṭangin, Punjab-a chhungkaw tinte chuan thla tin a thlawnin electricity unit 300 zel an hmang thei dawn a ni. Scheduled Castes (SC), Backward Classes (BC), Below Poverty Line (BPL) chhungkua leh freedom fighter, a hmaaelectric unit 200 a thlawna an dawn ṭhin pawh unit 300-ah tihpun sak an ni. Heng mite hian thla hnih chhunga power unit 600 aia tam an hmang a nih chuan, unit 600 a chuanna chin chauh an chawi ang," a ti. Hetih lai hian SC, BC leh BPL ni lote erawh chuan thla hniha unit 600 aia tam an hman chuan, full charge-in an pek a ngai dawn thung.

Punjab-ah hian electricity hi domestic consumer nuai 73 vel an awm a, an zinga nuai 61 vel hian thla khatah unit 300 an hmang tling ngai lo. Sorkar scheme thar hnuaiah heng mite hi power man chawi ngai loin an awm thei dawn ta a ni.