HP-in bawng hnenah 'mother of nation' status pek tum

Himachal Pradesh assembly chuan bawng hnena 'mother of the nation' (rashtra mata) status pek a ni theihna turin resolution a siam.

MLA Anirugh Singh chuan bawng chu 'mother of the nation' a puan anih theihna tur policy siam chungchang sawiho phutin resolution hi a pulut a ni. Chief Minister Jai RAm Thakur chuan a budget speech-ah an state chhunga zu hralhna aṭanga chhiah lak zinga 1% chu bawng in enkawlna atan hman a ni dawn a, hei bakah hiam temple-a sum thawh zinga 15% chu bawng in enkawlna atan hman a ni bawk dawn tih a sawi a ni.

Animal husbandry minister Virender Kanwar chuan bawng humhalh chungchang hi sorkar laipuia ngaihtuah mek a nih thu a sawi. "State sorkar chuan bawng humhalh leh enkawlna tur bill chungchang pawh a pulut tawh a, bawng humhalh chungchang ngaihtuahtu tur Gausea Aayog pawh din a ni dawn a ni", a ti.