PM Modi-an ads leh zinna atan Rs vbch 6,590 hmang

Prime Minister Narendra Modi chuan rampawna zinchhuahna leh a kaihhruai sorkarin advertisement a tichhuahna atan kum li leh a chanve chhungin cheng vaibelchhe 6,590 a seng tawh.

Kum li a chanve chhung hian PM Modi hi ram 84-ah a zin hman a, a zinna senso hi cheng vaibelchhe 2,000 vel a ni. Hemi hun chhung vek hian sorkar chuan Modi-a flagship project leh hlawhtlinna hrang hrangte fakna tihchhuahnaah dollar maktaduai 4,500 a seng bawk.

PM zinna senso, a zinna atana a hman Air India One enkawlna tur leh hotline siamna atana sum hman zat hi Junior foreign minister VK Singh-an Parliament-a zawhna a chhannaah a tarlang a ni. Sorkar laipuiin advertisement a tihchhuah tam takah hian PM Modi thlalak telh a ni bawk a, hemi atana senso zat hi junior minister for information and broadcasting Rajyavardhan Rathore chuan Parliament-ah a sawilang bawk.