UP sorkarin milim pali siam thar dawn

Uttar Pradesh-a Chief Minister Yogi Adityanath kaihhruai BJP sorkar chuan an state chhungah milim pali siam thar a tum.

State sorkar chuan Prime Minister hlui Atal Bihari Vajpayee, Swami Vivekanand bakah MP hlui leh Gorakhnath temple puithiam hotu pahnih Mahants Avaidyanath leh Digvijaynath te lim a din dawn tih a sawi.

Special secretary Shishir Singh chuan Vajpayee leh Vivekanand te lim hi Lucknow-ah dinin, MP hlui pahnihte lim hi Gorakhpur-ah din a ni dawn tih a sawi. Hemi hma hian state sorkar chuan Ayodhya-ah Lord Rama lim meter 221-a sang din a nih tur thu a lo sawi tawh bawk.