Bangladesh-in India sipai martar-te hriatrengna siam dawn

Bangladesh Liberation War of 1971-a India sipai martar-te zahna lantirna atan Bangladesh sorkar chuan an pual hian Chittagong-a Bhramanbaria-ah hriatrengna a siam dawn.

Bangladesh khawpui, Dhaka-ah Libertion War laia sipai nunna chante hriatrengna National Martyr's Memorial siam a ni tawh a, sorkar chuan a hranin India sipaite pual hian a siamsak leh dawn ta a ni.

Bangladesh Liberation War Affairs Minister AKM Muzzamel Huq chuan Kolkata-a Army Eastern Command Headquarters-a 47th Vijay Diwas lawmna hmanga a rawn kalnaah he thu hi a sawichhuak a ni. "Nakkum May-June-ah Chittagong-a Bhramanbari-ah India sipaite hriatrengna siamna tur lungphum hi kan phum dawn a ni. 

A siamna tur hmun tak hi reiloteah thlan fel a ni dawn a ni", a ti. Lungphum phum hunah hian Bangladesh Prime Minister Sheik Hasina pawh a tel dawn thu a sawi a, an mi sawm turte la tichiang lo mahse India Prime Minister Narendra Modi leh West Bengal Chief Minister Mamata Banerje-ten an telpui theih chuan an lawm dawn hle tih a sawi bawk. India sipai martarte hriatrengna an siam chuan ram pahnihte inlaichinna pawh a tihngheh phah sawt a beisei thu a sawi.